تبلیغات
پیروان خط ولایت فقیه پاکستان - ناقص اور غلط تفتیش ہی انصاف کی فراہمی میں سب سے بڑی رکاوٹ ہے، قائد ملت جعفریہ پاکستان
آقای سید ساجد علی نقوی شروع هی سے ایک متحرک ،محنتی ،زحمت کش، اور مومن مرد ہیں.امام خامنه ای

ناقص اور غلط تفتیش ہی انصاف کی فراہمی میں سب سے بڑی رکاوٹ ہے، قائد ملت جعفریہ پاکستان

پنجشنبه 22 مرداد 1394 11:07 ق.ظ

لکھا گیا ھے : پیروان ولایت
بیجها گیا: نماینده ولی فقیه علامه ساجد نقوی ،


قائد ملت جعفریہ پاکستان علامہ سید ساجد علی نقوی نے کہاہے کہ علامہ ضیاالدین شہید کیس کے حوالے سے عدالتی فیصلہ اپنی جگہ لیکن خرابی کی اصل جڑ غیر منصفانہ تفتیشی عمل ہے ، جس طرح ایک سازش کے تحت ضیا الدین رضوی کو شہیدکرایاگیا اور بعد ازاں ناقص اور غلط اندا ز میں تفتیشی عمل کرایاگیا اس سے واضح ہوگیا کہ یہی ناقص اور غلط تفتیش ہی انصاف کی فراہمی میں سب سے بڑی رکاوٹ بنی اس کو مدنظر رکھتے ہوئے اس کے ساتھ ساتھ فاضل جج نے جن نقائص کی نشاندہی کی ہے ان کو بھی دور کرکے ازسرنو شفاف اور منصفانہ تحقیقات ہونی چاہئیں۔

ان خیالات کا اظہار انہوں نے شہید علامہ ضیا الدین کیس کے طویل عرصہ بعد فیصلہ آنے پر تبصرہ کرتے ہوئے کیا ۔انہوں نے کہاکہ عدالتی فیصلہ اپنی جگہ اس پر رائے نہیں دیتے البتہ جس طریقے سے ان کو شہید کرایاگیا اور اس کے بعد نام نہاد تفتیشی عمل کرایاگیا اس کو دیکھتے ہوئے فاضل جج نے بعض نقائص کی نشاندہی کی ہے ان کو بھی مدنظر رکھا جائے اور اسکے ساتھ ساتھ یہ بھی پیش نظر رہے کہ اس اس کیس کی غلط انداز میں تفتیش ہوئی اور 10سال کے طویل عرصہ بعد اس کیس کا فیصلہ سامنے آیاہے لہٰذا اس واقعے کی دوبارہ غیرجانبدارانہ تفتیش کی ضرورت ہے۔

انہوں نے کہاکہ جن ملزمان کو فائدہ پہنچایاگیا یا پہلے گرفتار نہیں کیاگیا اور اگر گرفتار کیاگیا تو جیل میں سہولیات پہنچائی گئیں اور بعد ازاں حالات کا بہانہ بنا کر انہیں جیل سے فرارکرادیاگیا ۔ان کا مزید کہنا تھا کہ مرکزی ملزم کے بارے میں بعض باتیں زبان زد عام ہیں انہیں بھی نظر انداز نہیں کیا جاسکتا ،یہ تمام باتیں عوام کیلئے تکلیف دہ ہیں جنہیں نظر انداز نہیں کیا جاسکتا اس لئے ان کا ازالہ کیا جاناضروری ہے ۔ انہوں نے کہاکہ اس کیس کے حوالے سے یہ عوامی مطالبہ جائز ہے کہ نقائص کو دور کرکے ازسرنو تحقیقات کی جائیں تاکہ عوام میں بے چینی کا خاتمہ ہوسکے جبکہ اس انتہائی اہمیت کے حامل اور حساس علاقے کی صورتحال کو بہتر بنانے میں بھی مدد مل سکے ۔



نظرات : نظرات
آخری اپڈیٹ : پنجشنبه 22 مرداد 1394 11:10 ق.ظ